Шымкент қаласындағы Қайтпас-1 шағын ауданында орналасқан «Қасірет» мемориалды шатқалын абаттандыру жұмысы қолға алынды. 13,6 гектар аумақты кезең-кезеңмен көгалдандыру жұмыстары жүргізілуде. Шымкент қаласы әкімінің баспасөз қызметі мәлімдеді.
Одан өзге, қалалық энергетика және коммуналдық шаруашылық басқармасының мәліметінше, қаладағы 8 саябақ пен 38 гүлзарды күтіп ұстау жұмыстарын мердігер мекеме «Шымкент жасыл қала» ЖШС-і жүргізген.
Бұл жұмыстардан бөлек биыл 5 гүлзар, атап айтқанда Қонаев-Ғ.Иляеев көш., Қонаев-Түркістан көш., Байтұрсынов ескерткіші, 8 ш/а аллея, Ипподром аумағы көгалдандырылған. Ал 4 гүлзарда («Чернобыль», «Шәмші әлемі», «Әл-Фараби алаңы» және «Балалар темір жолы станциясы») қайта құру жұмыстары жүргізіліп жатыр.
Сондай-ақ, қаладағы 22 фонтан мен 33 скважинаны күтіп ұстау жұмыстарына қаржы қаралып, жұмыстар кестеге сай атқарылуда. Шымкент қаласы алдағы жылдары абаттандырылып, қала тұрғындары мен қонақтары серуендеуге ыңғайлы «Жасыл қалаға» айналатын болады.
