Әл-Фараби ауданына шалғай орналасқан елді мекен – «Бадам» тұрғын алабы(195 орам) мен «Сәуле» шағын ауданы. «Бадам» тұрғын алабын электр жарығымен қамту үшін биыл 10/0,4 кВ электр желілерінің құрылыс-монтаж жұмыстары толығымен аяқталып, ел игілігіне берілді.
Бұл жөнінде Әл-Фараби ауданының әкімі Ғ.Мәуленқұлов ауданның 10 айдағы әлеуметтік-экономикалық көрсеткіші және мемлекеттік бағдарламалардың орындалуы бойынша баспасөз брифингінде мәлімдеді.
Ғабит Патшаханұлының сөзінше тұрғын алабты ауыз сумен қамту мақсатында құрылыс жұмысын ағымдағы жылдың соңына дейін аяқтау жоспарланған.
-Табиғи газбен қамту үшін 286,4 млн.теңгеге жобалық жұмыс қаралған. Осы жылы бюджеттен 50 млн. теңге қаржы қарастырылып, құрылыс жұмысын мердігер мекеме «Комби Строй 1» ЖШС келісім-шартқа сәйкес, ағымдағы жылдың соңына дейін аяқтауды жоспарлап отыр,- деді ол.
Сонымен қатар, аудан әкімі Сәуле шағынауданын(276 орам) биыл инженерлік-инфрақұрылыммен қамтамасыз ету үшін, жобалық-сметалық құжаттамасын әзірлеу мақсатында, «МПК-ПРОЕКТ» ЖШС келісім-шарт түзілгенін тілге тиек етті. Аталған нысанның жобалық-сметалық құжаттамасы жыл соңына дейін аяқтау жоспарланып отыр.
-276 орамды сапалы электрмен қамтамасыз ету мақсатында демеушілер тарапынан 25 бағана, 2 шақырым сым және қуаттылығы 160 кВт көтеретін трансформатор орнатылып, 150 жуық жеке тұрғын үйге электр қуатымен қамтылды,- деді аудан басшысы.
Бұдан бөлек, сапалы ауыз сумен қамтуда демеушілер тарапынан 350 метргесу құбырының қазба жұмысы жүргізіліп, пайдалануға берілді.
