Шымкент қаласының Әл-Фараби ауданы аумағында жыл басынан бері 17 800 метр веложолдар және Сәуле шағынаауданы 276 орамға 4,9 км жолға шағал тас төселді. 10 айда атқарылған жұмыстарды қорытындылаған аудан әкімі Ғабит Мәуленқұлов осылай деп мәлімдеді.
Шымкент қаласы Әл-Фараби ауданы аумағындағы 404 көшенің 95-і жарықтандырылған болса, ішкі орамдық 309 көше жарықтандыруды қажет етеді. 400 ауланың 396-і жарықтандырылған.
Шымкент қаласы әкімі баспасөз қызметінің мәліметінше биыл Әл-Фараби ауданының аумағындағы 8 көшеге 294 жарық бағаналары орнатылып, 8840 метр көше бойын жарықтандыру жұмыстары жүргізілді. 3 көшеде 137 шам бағаналары қайта жөндеуден өтті. Ұзындығы 4120 метр көше жарықтандырылды. Бұл тұрғындар өмірінің қаупсіздігін сақтауға ықпал ететін игі жұмыстардың бір бөлігі.
Сондай-ақ, ағымдағы жылы аудан аумағындағы 12 көшеге жалпы ұзындығы 3113 м ирригациялық жүйелер өткізілді. Аудан бойынша жалпы ирригация жүйенің ұзындығы – 99 800 м.
