«Менің кіші Отаным» атты жас тарихшылардың ІІІ республикалық зияткерлік конкурсы өз мәресіне жетті. Конкурсқа Шымкент қаласы атынан төрт оқушы қатысқан болатын.
Білім сайысы «Рухани жаңғыру» бағдарламасының «Туған жер» бөлімін іске асыру аясында ұйымдастырылған.
Конкурстың республикалық кезеңі осы жылы 3-5 қараша аралығында онлайн форматта www.daryn.kz, www.exam.net және ZOOM платформалары арқылы өткізілді. Байқау туған елінің тарихына қызығушылық танытатын дарынды оқушыларды анықтауға, олардың шығармашылық қабілеттерін қалыптастыруға, өскелең ұрпақтың қазақстандық патриотизм мен азаматтық сезімін дамытуға, сондай-ақ оқушылардың өлкетану және Қазақстан тарихы, ұлттық өзін-өзі сәйкестендіру және өзінің кіші Отаны үшін мақтаныш сезімдерін дамытуға ықпал етеді.
Байқау екі кезеңде өткізілді. Бірінші кезеңде Қазақстан тарихы бойынша тест өткізілсе, ІІ кезеңде оқушылар «Менің кіші отанымның тарихы», «Кіші Отан символы», «Менің кіші Отанымның болашағы» және «Менің туған өлкем» төрт номинациясы бойынша жобаларын қорғады.
Республикалық кезеңнің қорытындысы бойынша Пайзахматов Илхом, Мұратбек Медет, Мықтыбек Бексұлтан І орынды, ал Назарбаев Нұрбақыт ІІ орынды иеленді.
Конкурс жеңімпаздары ҚР Білім және ғылым министрлігінің дипломымен марапатталды.
