Қазіргі таңда қала құрылысы қарыштап дамып келеді. Жаңа нысандардың құрылысы шаһардың көркін келтіріп, халыққа қажетті кешендер саны артуда. Әсіресе, тұрғын үй, мектеп, ауруханалар мен бала бақшалар құрылысын ерекше атап өту керек. Алайда халық көкейінде «Бұл ғимараттардың сапасы сын көтереді ме? Құрылыс компаниялары бұған қаншалықты назар аударуда?» деген сұрақ туындары анық. Осы өзекті мәселе төңірегінде бүгін «Nur Otan» партиясы Еңбекші аудандық филиалының ұйымдастыруымен «Сапалы нысан – қауіпсіз өмір» тақырыбында онлайн кездесу өтті.
Кездесуге «Арт Құрылыс» ЖШС қызметкерлері және компания басшысы Ануар Расулұлы Толендиев қатысты. Бұл компания Шымкент қаласы, Түркістан және Қызылорда облыстары көлемінде ауқымды 30-нысанның құрылысын жүргізуде. Сонымен қатар компания екі мыңға жуық адамды жұмыспен қамтып отырғаны қуантады. Жиында Ануар Расулұлы білікті мамандардың қызметі мен жаңа технологияларды қолдана отырып құрылыс сапасын жақсартуға үлкен күш жұмсалып жатқанын жеткізді. Сол себепті құрылыс нысандарының сапасына алаңдаушылық тумау керек.
