Шымкент қаласында 490 қоқыс алаңшасына 2104 контейнер орнатылған. Осы контейнерлердегі тұрмыстық қалдықтарды 11 арнайы мекеме тасымалдайды.
Тарқатып айтар болсақ, Абай ауданында 112 қоқыс алаңшасында 485 контейнер бар. Көпқабатты және жеке тұрғын үйлердегі тұрмыстық қалдықтарды тасмалдау қызметімен «ЛТД Тұрмыс» ЖШС айналысады.
Әл-Фараби ауданында 192 қоқыс алаңшасындағы 749 контейнердегі қоқыс қалдықтарын «СпецАвтоТранспорт» ЖШС, «ОрионНовТех» ЖШС, «ЭкоСпецТранс» ЖШС, «ШымкентСпецКомплекс» ЖШС тасымалдайды.
Ал Еңбекші ауданында «СпецАвтоТранспорт» ЖШС, «Вейсалидзе Л.Н.» ЖК, «Нұр Олжа» ЖШС 117 қоқыс алаңшасына орнатылған 644 контейнердегі және жеке тұрғын үйлердегі қоқыстарды тасымалдайды
Қаратау ауданында тұрмыстық қалдықтарға арналған 69 қоқыс алаңшасында 226 контейнер қойылған. Бүгінде аудандығы көпқабатты үйлер мен тұрғын алаптағы жеке үйлердегі қоқысты тасымалдау қызметімен «ЭкоСпецТранс» ЖШС, «ШымкентСпецКомплекс» ЖШС, «Жан&Мейір» ЖШС, «СпецАвтоТранспорт» ЖШС, «Вейсалидзе Л.Н.» ЖК «ҚайнарБұлақ» ЖК «Чистый Город» ЖК айналысып отыр.
Айта кетейік, арнайы мамандар таңғы сағат 06:00-ден түнгі 00:00-ге дейін кестеге сай жұмыс істейді. Сонымен қатар, мердігер мекемелер көпқабатты тұрғын үйлердің ауласындағы қоқыс контейнерлерін күніне екі рет, тұрғын алаптардағы жеке тұрғын үйлерден аптасына бір рет тұрмыстық қалдықтар тасымалданады.
