Бүгін шағын орта бизнесті бастауда туындайтын түйткілді мәселелер жайында дөңгелек үстел өтті. Жиынға Іскер әйелдер Ассоциациясының өкілдері мен «Nur Otan» партиясы Еңбекші аудандық филиялының төраға орынбасары Жандос Сатыбалдыұлы Қамбарбеков қатысты.
ZOOM платформасы арқылы өткен жиында жеке бизнесті бастау және оны дамытуда қиындық тудыратын мәселелер сараланды. Әсіресе қоғамда әйелдер тарапын қорықпай өз ісін бастауға ынталандыру қажеттігі айтылды.
Айта кету керек, қазіргі таңда елімізде әлеуметтік-экономикалық даму барысындағы кәсіпкерліктің маңызы зор. Сондықтан да орта және шағын кәсіпкерлікті қолдауға мемлекет те бар күшін жұмсауда.
