Бұл туралы арнайы мониторингтік топ мүшелері жүргізген рейд барысында белгілі болды. Еңбекші ауданына қарасты «Көктем» және «Айна» азық-түлік базарларын тексерген кезде екеуіне ортақ кемшіліктердің беті ашылды. Атап айтқанда, сатушылар бетпер мен қолғап кимесе,сатып алушылар тарапынан ара-қашықтықты сақтамау байқалды. Сонымен қатар дүкеннің кіре берісінде арнайы санитарлық кілемшелердің де болмауы анықталды.
Айта кетейік, мониторингтік топ апта сайын карантин жағдайында азық-түлік базарларында санитарлық талаптардың сақталуын қадағалайды. Бүгін көптеген сатушылар ескертумен құтылды. Ара-қашықтықты сақтау өз алдына, сатушылар мен клиенттер бетпердені дұрыс кимейді.
Рейд қорытындысы бойынша «Айна» және «Көктем» базарының әкімшілігіне анықталған кемшіліктерді 3 күн ішінде ретке келтіру керектігі ескертілді.
