Еңбекші аудандық партия филиалының ұйымдастыруымен «Желтоқсан көтерілісі ел жадында» тақырыбында онлайн кездесу өтті. ZOOM платформасы арқылы өткен жиынға «Жастар» пікірсайыс клубының мүшелері қатысты.
Кездесуде клуб мүшесі Жасмин Асқарқызы Ашимова 1986 жылғы «Желтоқсан оқиғасы» жайлы баяндама оқыды. Бүгінгі азаттықтың ақ таңы – сол кездегі қыршыннан қиылған боздақтардың төккен жасы мен аққан қанының арқасында орнағанын жеткізді. Жастарды бейбіт өмірімізді бағалауға, Тәуелсіздігіміздің қадірлеуге шақырды.
Еске сала кетейік, алдымызда 16 желтоқсан – ата бабамыздың арманы орындалып, жасампаздығымызды жаңа белеске көтерген Тәуелсіздік күні келе жатыр. Биыл 1991 жылғы 16 желтоқсанда президент Нұрсұлтан Назарбаев қол қойған Конституциялық Заңнан бастау алған тәуелсіздігімізге 29 жыл толды.
