Nur Otan партиясы Шымкент қалалық филиалы төрағасының бірінші орынбасары Бахадыр Мадәліұлы бастауыш партия ұйымдарының төрағаларымен ZOOM платформасы арқылы жиын өткізді.
Қашықтықтан өткен жиында Қ.Токаевтың қазақстандықтарға арналған Жолдауында еліміздің саяси, әлеуметтік-экономикалық дамулардың негізгі бағыттары кеңінен сөз болды. Бүгінде еліміздің мегаполистерімен қатар, өңірлердің дамуы да қарқынды. Нақтырақ айтқанда, Шымкент қаласы республикалық мағызы бар қала статусын алып, Түркістанның өз алдына облыс болып шығуы қос өңірдің де дамуына серпін берді деген ойлар айтылды жиында.
Расында бүгінде Шымкент мегаполис статусын алғалы қалаға құйылатын инвестиция көлемі артып, тұрғын үй құрылысы да қарқын алған. Шаһарда жаңа шағын аудандар заман талабына сай салынып жатыр.
