Бүгін «Nur Otan» партиясы Абай аудандық филиалында шағын орта бизнесті бастау және оны дамытуда қиындықтар тудыратын мәселелер жайында дөңгелек үстел өтті. Кездесуге Шымкент қаласы бойынша «Іскер әйелдер Қауымдастығының» өкілдері мен аудандық партия филиалы төрағасының біріншісі орынбасары Е.Бертаев қатысты.
Жиында қаладағы шағын және орта бизнесті дамыту үшін қандай шараларды қолға алу керек? Кәсіпкерлік саласындағы әкімшілік кедергілерді азайтудың жолдары қандай? деген сауалдарға жауап берді мамандар.
Бүгінде Шымкент қарқынды дамып келе жатқан шаһар. Үшінші мегаполистің жағдайы, тұрғындардың әл-ауқаты экономиканың дамуына тікелей байланысты. Сол себепті де кәсіпкерлік саласының түйткілді мәселелерін назарда ұстау – басты міндет.
