«Nur Otan» партиясынан Шымкент қалалық маслихат депутаттығына үміткерлер Оспаналиева Рашкуль, Мейрманов Қайрат, Юсупов Бахтияр №7 қалалық емхана ұжымымен кездесіп, сайлауалды үгіт-насихат жұмыстарын жүргізді. Кездесу барысында партияның алдағы 5 жылдық бағдарламасы баяндалып, сол бағдарламадағы медицина саласындағы басымдықтар жайлы сөз қозғалды.
«Алдағы 5 жылдықта қаламыздағы медициналық мекемелер базасы нығайтылады, шетелдік заманауи технологиямен жабдықталады, 1000 орындық көпсалалы аурухана санлынады, медициналық нышандар тапшылығы шешіледі, 10 медициналық мекеме құрылысы жүргізіледі, 12 дәрігерлік амбулатория салынады, 39 медициналық мекеме жөндеуден өткізіледі, дәрігерлердің еңбек ақысы өседі», – деді Рашкуль Оспаналиева.
Расында пандемияға байланысты күрделі эпидемиологиялық ахуал кезеңінде медицина саласына түскен ауыртпалық 2 есеге артты. Стационарлар мен провизорлық орталықтардағы төсек орындардың 96 пайызы науқастармен толды. Бұл өз кезегінде медицина саласына ерекше көңіл бөлу қажет екенін көрсетті.
Партияның бағдарламасында айтылған міндеттер орындалған жағдайда халықтың өмір сүру ұзақтығы 74,6-дан 77,4 жасқа дейін ұзаратын болады.
Одан әрі ұжым қызметкерлері, ақ халатты абзал жандар өз талап-тілектерін айтып, аталған салада бірқатар кемшіліктер барын да жасырмады. Соның бірі емхана шет ауданда орналасқандықтан дәрігерлерге кешкі уақытта қатынау мәселесі қиындық тудырып жатыр екен, сондықтан осы бағыттағы қоғамдық көліктер жұмыс реттелсе екен деген ұсыныстар айтылды. Тұрғын үймен қамту жайлы да сауалдар қойылды. Кандидаттар бұл сауалдарға тұшымды жауаптар қатып, ұжым қызметкерлерін алдағы сайлауға қатысуға шақырды.
«Nur Otan» партиясы проблемаларды нақты түсінеді және әр азаматтың мүддесі үшін жұмыс істейтін қуатты ресурстарға ие.
«Nur Otan» партиясы – Қазақстан Республикасының қарқынды дамып, өркендеуін мақсат тұтқан партия. Ол – еліміздегі жетекші саяси күш! «Nur Otan» партиясына дауыс беріңіз!
Шымкент қаласындағы «Nur Otan» партиясының сайлау қорының қаражатынан төленді.
