Бүгін Шымкент қаласы мәслихатының хатшысы Бахадыр Нарымбетов мәслихаттың жаңа құрамын шақырып, басқарма басшыларымен алқалы жиын өткізді. Шымкент қаласының алдағы даму жоспары талқыланған кездесу барысында, бағдарламаның орындалуын бақылауға алу тапсырылды. Жетінші шақырылымдағы мәслихат депутаттары өздеріне тиесілі аймақтар бойынша жұмыс жасайтын болып бір мәмілеге келді. Яғни 30 депутат өздеріне белгілеп берілген елді мекендердің тұрғындарымен жүйелі түрде кездесулер ұйымдастырып, ұсыныс пікірлерді талқылайтын болады.
Жалпы жиында Nur Otan партиясының 2025 жылға дейінгі «Өзгерістер жолы: әр азаматқа лайықты өмір!» сайлауалды бағдарламасы аясында жасалған Шымкент қаласының аумақтық дамыту бағдарламасына тағы бір сараптама жасау тапсырылды. Айта кету керек «Нұр Отан» партиясы сайлауда айқын басымдықпен жеңіске жетті. Бұл сайлау алды бағдарламаға халықтың сенімі жоғары болғандығын көрсетеді. Кездесуді қорытындылаған Шымкент қаласы мәслихатының хатшысы Бахадыр Нарымбетов, халықтың әл ауқатын жақсарту жолында берілген уәденің орындалатынын жеткізді.
Қала тұрғындарының назарына!
Шымкент қаласы әкімінің орынбасарлары мен басқарма басшылары және Шымкент қалалық мәслихат депуттарының жеке қабылдауына жазылу үшін 39-02-34, 8-701-411-96-04 телефонына хабарласу қажет. Қоғамдық қабылдау «Nur Otan» партиясы Шымкент қалалық филиалында өтеді.
