Жыл басынан бері Шымкент қаласында атаулы әлеуметтік көмек 34 862 отбасыға төленді. Бұл туралы қалалық жұмыспен қамту және әлеуметтік қорғау басқармасы мәлімдеді.
Жәрдемақы 30 472 отбасыға шартты ақшалай көмек, 4 390 отбасыға шартсыз ақшалай көмек тағайындалып отыр. Осылайша қаладағы мұқтаж жандарға 2411,1 млн.теңге көлемінде әлеуметтік көмек көрсетілді. Салаға жауаптылар жылдан-жылға жәрдемақы алуға өтініш білдірушілер қатары артып отырғандығын айтады.
Айта кетейік, өткен жылы мемлекеттік атаулы әлеуметтік көмекке 44 мыңға жуық отбасыдан өтініш қабылданып, жергілікті комиссия шешімімен 33 мыңға тарта отбасыға 17,8 млрд. теңге көлемінде көмек көрсетілген болатын. Биылғы жылы мұқтаж отбасыларды қолдауға 13 529,8 млн.теңге қаржы бөлу жоспарларланып отыр.
