Шымкентте жаңа мектеп ашылды

Бүгін Шымкентте Наурыз мерекесі қарсаңында Құрсай шағынауданында Әл-Фараби атындағы жекеменшік 550 орындық мектеп пайдалануға берілді.
Жаңа мектептің ашылуына қалалық Білім басқармасының басшысы Жанат Тәжиева мен «Nur Otan» партиясы Шымкент қалалық филиалының төраға орынбасары Мұратәлі Қалмұратов қатысты.
-Қала мектептерінің қатары жекеменшік Әл-Фараби мектебімен толықты. Бұл Елбасымыздың білім саласын дамыту бағдарламасы негізінде жүзеге асуда. Үш ауысымды мектептерді болдырмау мақсатында ашылған мектептің жұмысына сәттілік тілеймін,- деді Жанат Тәжиева.
Айта кетейік, жаңа ашылған білім ордасында балалардың толыққанды білім алуына барлық жағдай жасалған.
Жаңа мектепте 105 мұғалім жұмыс істеп, 1261 оқушы білім алады.