Шымкент қаласында жыл сайын көктем мезгілі келгенде әдеттегідей айналаның тазалығы, арық көздерін ашу, ағаш отырғызу, ағаштарды бұтап, түбін әктеу үрдіске айналған. Осы орайда, Шымкент қаласы, Еңбекші ауданында жаппай сенбілік өтті.
Тазалық шарасына жалпы 8 мыңға жуық аудан тұрғындары мен әкімдік қызметкерлері шықты. Олармен көпқабатты үй ауласы мен ішкі орам көше бойларындағы жасыл аймақ, жаяу жүргіншілер жолы қоқыстан тазартылды. Сондай-ақ көпқабатты үй ауласы мен ішкі орам көшелерінің бойларына 3500 түп ағаш көшеттері отырғызылды.
Шымкент қаласы әкімдігі баспасөз қызметінің мәліметінше, бұл күні жалпы аудан ауағындағы 32 көше, 4200 метр аяқжолдар мен 17,4 шақырым ирригация және арық жүйелері тазаланып, 5 мың текше метрге жуық күл-қоқыс шығарылды. Жұмысқа барлығы 22 техника жұмылдырылды.
