Шымкент қаласында 20 сәуірден бастап Covid-19 инфекциясының өсуіне және вирустық пневмония ауруының тіркелуінің жалғасуына байланысты және халық арасында коронавирустық инфекциясының таралуының одан әрі алдын алу мақсатында карантин режимі ұзартылып, шектеу шаралары күшейтілген болатын.
Осыған орай қаладағы Қаратау ауданында кешегі күннен бастап, ауданға қатысты халыққа қызмет көрсету саласындағы нысандарда және адамдар жиналуға мүмкіндігі бар орындарда күнделікті дезинфекциялық іс-шаралар басталып кетті. Атап айтар болсақ, «Рахима Плаза», «Даймонд Плаза», «Громад», «Метро», «Сұлтан», «Нұрсат Сити», «Сайман», «Жаңалық» сияқты ірі сауда орталықтарында және «Ынтық Ата» базарында залалсыздандыру жұмыстары жүргізілді.
Сондай-ақ, Нұртас ш/а, Кеңжарық көшесіндегі , «Рахат» азық-түлік дүкені, Ақжайық ш/а «Дана», Асар ш/а «Чикен» дүкендері сағат 23.00- ге дейін жұмыс жасап тұрғаны анықталды. Айта кету керек, сатушылардың соңғы шыққан Шымкент қалалық Бас мемлекеттік санитариялық дәрігерінің Қаулысына өзгеріс енгендігін ескермеген. Осыған орай олардан түсініктеме алынды. Сонымен бірге жаңа Қаулы түсіндіріліп, алдағы уақытта осы қаулы негізінде жұмыс істеу керектігі айтылды.
Айта кету керек, Қаратау ауданында кәсіпкерлік нысандарында карантин талаптардың сақталуын қадағалау мақсатында арнайы 6 мобильдік топ күнделікті мониторинг жұмысын жүргізіп отырады.
Қазіргі таңда аудан аумағында жалпы 2 базар, 10 ірі сауда үйі мен 1027 жуық ірілі-ұсақты кәсіпкерлік нысан орналасқан. Мониторинг топ өкілдері жыл басынан 3911 кәсіпкерлік нысанын аралады. Нәтижесінде 375 әкімшілік хаттама толтырылып, жалпы соммасы 19 120 905 теңге көлемінде айыппұл өндірілген.
