Шымкент қаласында 18 көлік компаниясы 64 бағытта тұрғындарға қызмет көрсетіп келеді. Биыл тағы 4 жаңа көлік бағыты іске қосылды. Атап айтқанда №18, 42, 44, 206 автобустары.
Бұл жылы 36 бағыттағы көліктерге және 3 жекеменшік компанияға субсидия қаралған. Қосымша 6 әлеуметтік мәні бар маршруттарға ұсыныс берілді.
Қаладағы 890 автобусты жаңарту межесі қойылған болатын. Өткен жылы газбен жүретін 590 автобус сатып әкелінді. Бұл утарлы Шымкент қаласы әкімдігінің баспасөз қызметі мәлімдеді.
2020 жылдың 1 желтоқсаннан бастап оның 150 автобусы 8 бағытта тасымалдау қызметін көрсетуде. Қазір қалада қосымша бір газ құю бекетінің құрылысы жүріп жатыр.
Сондай-ақ, осы жылы автобустардағы жүргізуші, бақылаушыларды бірыңғай формамен қамтамасыз ету жоспарлануда.
Шымкент қаласындағы қоғамдық көліктерде «Төлем» электронды төлемақы жүйесі енгізілген болатын. Осыған орай қаладағы барлық көліктер валидаторлармен қамтылатын болады. Жүргізушілердің біліктілігін арттыру мәселесі де басты назарда.
