Шымкент қаласының «SHANYRAQ» Отбасы институтын қолдау орталығында көпбалалы отбасыларға жан-жақты қолдау көрсетілуде. Орталық жұмысының бір бағыты – өз кәсібін ашып, табыс табуға барынша ықпал ету.
Осы бағыт шеңберінде қаладағы белгілі кондитер шебері Гүлдана Қансейітованың 8 сағаттық «Новые пироги» шеберлік сабағы ұйымдастырылды. Оған орталыққа тіркелген отбасылардың мүшелері қатысып, бір күнде 12 түрлі тәтті пісіруді үйренді.
Қатысушыларға арнайы сертификат табыс етілді. Келешекте тәтті пісіру өнерін меңгерген әйелдер үйде отырып, табыс табуға мүмкіндік алып отыр.
Отбасы институтын қолдау орталығы аналарға өз кәсібін бастауға жол көрсетіп, тәлімгер болған Гүлдана шеберге алғыс білдіреді. Алда мұндай шеберлік сабақтары жиі өткізіліп тұрмақ.Мақсат көпбалалы аналар мен жұмыссыз отырған нәзік жандылардың өз кәсібін ашып, отбасының әлеуметтік жағдайын жақсартуға ықпал ету.
Шымкент қаласы әкімдігінің баспасөз қызметі
