Өсімдік шаруашылығы бойынша биыл ауыл шаруашылығы дақылдары 2020 жылмен салыстырғанда 1,4 мың га артып, 29,3 мың гектарга егілетін болады. Нәтижесінде 71,7 мың тонна өнім жиналады деп күтілуде.
Ал, мал шаруашылығында өнімдерді өндіру өткен жылдың тиісті кезеңімен салыстырғанда: ет (тірі салмақта) 7,7 % артып 2,8 мың тонна, сиыр сүті 4,8% артып 8,8 мың тонна, ал жұмыртқа 12,1% артып 40,7 млн. дананы құрады.
Қаладағы ветеринариялық қауіпсіздік те басты назарда. Ауыл шаруашылығы және ветеринария басқармасының басшысы А.Қаныбековтың сөзіне сүйенсек қалада маусымдық жұмыстар басталып, эпизоотияға қарсы іс-шараларға 29 түрлі ауруға қарсы диагностикалық зерттеулер жүргізіліп, бруцеллезге 34,0 мың бас малдан қан сынамасы алынды. 14 түрлі жұқпалы ауруларға қарсы жоспарланған 215,5 мың басқа профилактикалық егу жұмыстары жүргізілді.
Ал, 2021 жылы құны 16,3 млрд. тг. құрайтын 28 инвестициялық жобаны іске асырылып, 1500 ге жуық жаңа жұмыс орындары ашылатын болады.
