Бүгін еліміздің 2021 жылдың I тоқсандағы әлеуметтік-экономикалық дамуының негізгі көрсеткіштері баяндалған онлайн Үкімет отырысы өтті.
Айта кетерлігі елімізде бірінші тоқсанының қорытындысы бойынша макроэкономикалық көрсеткіштер жақсарған.
Жиында өңірлер бойынша қаңтар-наурыз айындағы негізгі көрсеткіштер жария етілді. Бес көрсеткіш бойынша алты өңір оң нәтижелерге қол жеткізген. Олар – Ақмола, Ақтөбе, Жамбыл, Қарағанды, Қостанай облысы және Шымкент қаласы.
Мегаполист бойынша Ұлттық экономика министрі Әсет Ерғалиевтің айтуынша, ауыл шаруашылығы, инвестиция тарту, құрылыс, тұрғын үйді пайдалануға беру көрсеткіштерінде қарқынды өсу бар.
– Көптеген өңірлерде жоғары инвестициялық белсенділік сақталуда. Өнеркәсіп нысандарын салу мен өндіріс құрылғыларын дамыту іс-шаралары есебінен Шымкент қаласында өсу бар. Бұл бағытта Шымкент қаласы екінші орында келеді. Яғни, өткен жылмен салыстырғанда 45,8 пайызға өскен. Биыл қаңтар-наурыз айында тұрғын үйді пайдалануға беру бойынша ең үздік көрсеткіш (5,9 пайыз) Шымкент қаласында болды – деді Ұлттық экономика министрі.
Сонымен қатар, ауыл шаруашылығы секторы бойынша да Шымкент қаласы екінші орында (5,5 пайыз) келеді.
