Шымкенттік кәсіпкер балық шаруашылығын дамытуды қолға алған

Негізі қаламызға балық өнімдерінің басым көпшілігі шет аймақтардан келеді. Бүгінде қалада осы саланы дамыту бойынша бірқатар жұмыстар жүргізу жоспарға қойылған. Яғни бұндағы негізгі мақсат қала тұрғындарын жергілікті сапалы балық өнімдерімен қаматамасыз ету. Осы мақсатта Маятас тұрғын алабындағы жеке кәсіпкер Орынбасарова Гулбахар балық шаруашылығымен айналысуға қызығушылық танытқан шаруашылықтардың бірі болып табылады. Арнайы жасанды көл құрып, онда 200-250 мыңға жуық балық шабақтарын жіберіп және бүгінде алғашқы сапалы өнімдерін сауда орталықтарына сондай-ақ азық-түлік жәрмеңкелеріне жөнелтіп отыр. Бұл көлді ауыл тұрғындары «Айна көл» су тоғаны деп атап кеткен. Қорыта айтқанда бүгінгі таңда таңда қалада осы салаға қызыққан шаруаларға семинар-кеңестер өткізіп және балық шаруашылығын дамытумен айналысып жатқан кәсіпкерлердің жұмыстарымен арнайы барып таныстыру жоспарлануда. Ауыл шаруышылығын дамытуға бет бұрған шаруаларға мемлекет тарапынан тиісті көмектер көрсетіліп келеді.