Шымкент қаласында бүгінде 6 шағын ауданда ішкі ауыз су жүйелерінің құрылысы жүргізілуде. Солардың бірі «Асар-2» шағын ауданында су құбыры тартылып, тиісті жұмыстар жүріп жатыр. Бұл туралы Шымкент қалалық Энергетика және коммуналдық шаруашылық басқармасы хабарлады.
Су құбыры нысаны 2020 жылдың мамыр айында басталды. Құрылыс ұзақтығы 9 ай мерзімде аяқталады деп жоспарлануда. Тартылатын су құбырының ұзындығы 156,1 км.
Аталған жұмыстар бойынша бас мердігер «Сарыағаш Аман» жауапкерлігі шектеулі серіктестігі, ал техникалық қадағалаушы «Арх Строй Сервис-А» ЖШС болса, жобалаушы мекеме «УЛМАД» ЖШС-і.
Нәтижесінде биыл қыркүйек айында «Асар-2» шағын ауданындағы 2 723 үй таза сумен қамтылатын болады. Бұл сол маңдағы тұрғындардың өмір сапасын жақсартуға сеп болмақ. Алдағы 5 жылда қала аумағындағы елді-мекендердің барлығын сапалы ауыс сумен қамту жоспарлануда. Осылайша Шымкент шаһары тұрғындар өмір сүруге қолайлы қалаға айналады.
