Шымкент қаласында асфальтталған жолдардың жалпы ұзындығы – 2 029,2 шақырым. Қалада 2021 жылдың I тоқсанының қорытындысы бойынша бірқатар нысандарда жұмыстар аяқталды. Жыл басынан бері шұңқырларды жамау (3500 шаршы метр), тегістеу қабатын салу (1000 шаршы метр) жұмыстары орындалды. Бұл туралы Шымкент қаласы әкімдігінің баспасөз қызметі мәлімдеді.
Ағымдағы жөндеу жұмыстары бірінші кезекте көлік қарқыны жоғары және қала орталығындағы магистралды көшелерде атқарылуда.
Атап айтқанда, Жолан батыр, Саттарханов, Қазиев, А-2 автомобиль жолы, Бекболатов, Т.Рысқұлов (Дулати-Сайрам), Елшібек батыр және Тәуке хан көшесінде (Сайрам-Өндірістік аймаққа дейін) жөндеу жұмыстары жүргізілуде. Жөндеу жұмыстары кестеге сәйкес, өз мерзімінде аяқталатын болады. Шымкент қаласының әкімі Мұрат Әйтенов жол құрлысына қатысты басқарма мен жауапты мекемелерге салынып жатқан жолдардың сапасын бақылауда ұстауды тапсырды. Егер мердігерлер тарапынан олқылықтар орын алған жағдайда қатаң шаралар көрілетіндігін жеткізді.
