«Шаңырақ» (5-10-20) бағдарламасы бойынша тұрғын үй сатып алуға мүмкіндік бар. Бағдарламаның басты артықшылығы – бастапқы жарнаның төмендігі, бар болғаны 10%, несие мөлшерлемесі – 5% (ЖТМ 5,2% – дан бастап). Несиелендіру мерзімі 20 жылға дейін.
Сондай – ақ, 2020 жылғы 15 желтоқсаннан бастап бағдарлама бойынша отбасының 1 мүшесіне шаққандағы табыс ең төменгі күнкөріс деңгейінің 3,7 еселенген шамасынан аспауы тиіс екенін еске салғымыз келеді (1 ең төменгікүнкөрісдеңгейі – 34 302 теңгені құрайды).
Яғни, 2021 жылы отбасының бір мүшесіне шаққандағы табыс мөлшері 126 917 теңгеден аспауы тиіс.
Мысалы, егер анасы мен әкесі жұмыс жасайтын отбасы 2 бала тәрбиелеп отырса, онда табыс келесі жолмен есептеледі:
Анасының табысы (120 000 теңге) және әкесінің табысы (250 000 теңге) қосылады.
Отбасының жалпы табысы 370 000 теңге отбасының төрт мүшесіне бөлінеді.
Бұл жағдайда отбасының әрбір мүшесіне шаққандағы сома 92 500 теңгені құрайды, бұл лимиттен яғни 3,7 ең төмен күн көріс деңгейінен (126 917 теңге) аспайды және бұл бағдарлама бойынша несие алуға мүмкіндік береді.
«Шаңырақ» бағдарламасына тұрғын үйге мұқтаж азаматтар тізімінде кезекке тіркелген азаматтар ғана қатыса алады. Өтінім жіберу hcsbk.kz сайты арқылы қабылданады.
Мемлекеттік тұрғын үй кезегіне тұрған азаматтардан өтініш тек hcsbk.kz сайты арқылы қабылданады.
Ол үшін:
– hcsbk.kz сайтындағы – Қолжетімді баспана бөлімін таңдау;
– «Шаңырақ «пилоттық жобасы» пернесін басу;
– «тексеру және өтінім беру» батырмасын басу;
– электрондық өтініш формасын толтыру керек.
Бұл бағдарлама бойынша тұрғын үйді тек алғашқы нарықта сатып алуға болады:
ЖАО-ның «Шаңырақ» жобасы бойынша немесе «Нұрлы жер» негізгі бағдарламасы бойынша салынып жатқан несиелік тұрғын үйлер, сондай-ақ жеке құрылыс компаниялары салған жаңа үйлерден пәтер.
«Шаңырақ» бағдарламасы бойынша пәтер сатып алуға болатын құрылыс компанияларының тізімін hcsbk.kz сайтынан жүктеп алуға болады.
