Тұрғын үй сертификатын алуға Шымкент қаласының мемлекеттік мекемелері мен мемлекеттік кәсіпорындарының, денсаулық сақтау, білім беру, мәдениет, спорт саласының мамандары, құқық қорғау органдарының қызметкерлері мен мемлекеттік қызметшілер, мүгедек балалары бар немесе мүгедек балаларды тәрбиелеп отырған отбасылар, «Алтын алқа», «Күміс алқа» алқаларымен наградталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен наградталған көпбалалы аналар, көпбалалы отбасылар, толық емес отбасылар қатыса алады.
Тұрғын үй сертификатына қажетті құжаттар тізіміне нысан бойынша өтініш, өтініш берушінің және отбасы мүшелерінің жеке басын куәландыратын құжат, соңғы 6 ай ішіндегі еңбек және кәсіпкерлік қызметтен табысы туралы анықтама, жұмыс орынан анықтама, қарыз сомасы, бастапқы жарнаның мөлшері және ипотекалық тұрғын үй қарызы бойынша ай сайынғы төлемнің соммасы туралы мәліметтерді қамтитын, өтініш берушіге тұрғын үй сатып алу үшін ипотекалық тұрғын үй қарызын беруді мақұлдау туралы ЕДБ-нің хаты кіреді.
2019 жылы Тұрғын үй құрылыс жинақ банкісі арқылы бастапқы нарықтан пәтер алғын 21 азаматқа алғашқы жарнасының бір бөлігіне әлеуметтік көмек ретінде қайтарымсыз негізде 20,4 млн. теңгеге тұрғын үй сертификаттары берілген (әрбір азаматқа 1 млн.теңгеге дейін; 6 көпбалалы отбасыларға, 9 толық емес отбасыларға, 6 мүгедек балаларды тәрбиелеп отырған отбасыларға).
2020 жылы- 101 отбасыға алғашқы жарнасының бір бөлігіне әлеуметтік көмек ретінде қайтарымсыз негізде 100 млн. теңгеге тұрғын үй сертификаттары берілген (53 көпбалалы отбасыларға, 30 толық емес отбасыларға,18 мүгедек балаларды тәрбиелеп отырған отбасыларға).
2021 жылға жергілікті бюджеттің есебінен 300 млн. теңгеге тұрғын үй сертификаттарын беру жоспарлануда.
Ағымдағы жылы «Тұрғын үй сертификаттарын беру» мемлекеттік көрсетілетін қызметі автоматтандырылып,мемлекеттік көрсетілетін қызмет толығымен электрондық форматқа көшірілгендігін айтып өткен жөн.
Бұл қызмет бойынша азаматтардың құжаттарын қабылдау – ақпараттық жүйенің www.kezekte.kz сайты арқылы жүзеге асырылатын болады.
