Мемлекеттік «Нұрлы жер» бағдарламасының бір бағыты – «Бақытты отбасы» (2-10-20). Ол көп балалы, толық емес және ерекше балалары бар отбасыларға арналған ерекше бағдарлама.
– Бұл бағдарлама бойынша Қазақстан өңірлеріне 50 млрд теңге бөлінді. Шымкентте шамамен 300 отбасы несие алады деген болжам бар. Бұл бағыт бойынша пайыздық мөлшерлеме 2 пайызды құрайды, сатып алатын баспана бағасының 10 пайызы мөлшерінде алғашқы жарна құю керек. Займ берілу уақыты – 20 жылға дейін. Ең жоғарғы сома – 15 млн теңге. Несие кезек бойынша беріледі. Бүгінгі таңда 26 мамырға дейін құжат қабылдануда.
-Әзірге 3000 адамнан өтінім түсті. 26 мамырдан кейін өтінімдердің барлығын баспана кезегіне тұрған мерзімі бойынша реттейміз. Алғашқы 300 адамды банкке шақырып, төлем қабілетін тексереміз. Егер төлем қабілетін растаса, несиені алдын ала мақұлдаймыз. Енді бұл азаматтарға баспана бағасының алғашқы жарнасын құю қажет. Егер өзі жинаған қаржысы болмаса, біздің мақұлдау құжатымызбен тұрғын үй басқармасына барып, тұрғын үй сертификаттарына өтінім бере алады. Бұл тұста «Отбасы банкінде» салым болғаны жақсы, бірақ, міндетті емес, – дейді «Отбасы банк» АҚ Шымкент қалалық филиалының директоры Дәурен Саудабаев.
Айта кетейік, өткен жылы Шымкентте «Бақытты отбасы 2-10-20» тұрғын үй бағыты бойынша Тұрғын үй құрылыс жинақ банкісі арқылы тұрғын үй кезегінде тіркелген аз қамтылған көпбалалы, толық емес және мүгедек бала асыраушы 292 отбасы әлеуметтік несиелендіру шарты негізінде тұрғын үймен қамтылған.
