ҚР Үкіметі қабылдаған индустриялық-инновациялық даму бағдарламасы қала өнеркәсібінің қарқынды дамуына септігін тигізді. Бағдарламаның қабылдануы экономиканың диверсификациялау процессін іске қосып, заңнамалық базасын қалыптастырып, мемлекеттік қолдау тетіктерін әзірлеп және қолдану мүмкіндік берді. Яғни Индустриялық-инновациялық бағдарламасының екі кезеңінен (2010-2014жж., 2015-2019жж.) өтіп, үшінші кезеңі (2020-2025жж.) жүзеге асырылуда.
Шымкент қалалық кәсіпкерлік және индустриалды-инновациялық даму басқармасының басшысы Береке Дүйсебековтың мәліметінше екі бесжылдықта 184 млрд. теңгеге 105 инвестициялық жоба жүзеге асырылды, онда 7,5 мыңнан астам жаңа жұмыс орны ашылды.
Береке Дүйсебеков: «Кәсіпкерлікті қолдау картасы шеңберінде 2020-2025 жылдарға арналған жобалар пулы 7,5 мың жаңа жұмыс орындарын құрумен 414,8 млрд. теңге сомасына 90 жобаны құрайды. Оның ішінде, 2020 жылы 37,5 млрд. теңге сомаға 1 мыңнан астам жаңа жұмыс орындарын құрумен 22 жоба іске асырылды. Ал, 2021 жылы 56,7 млрд. теңге сомаға 1 мыңнан аса жаңа жұмыс орнымен 21 жобаны жүзге асыру жоспарлануда. Кәсіпкерлерді қолдау мақсатында тұрақты мониторинг жұмыстары жүргізілуде, мемлекет тарапынан қолдау шаралары көрсетілуде» -деді басқарма басшысы.
Сонымен қатар, кәсіпкерлердің өзекті мәселелерін шешу бойынша ұсыныстар енгізіліп, шешімін табуда.
