«Оңтүстік» арнайы экономикалық аймағының инвестициялық қоржыны жалпы құны 86,09 млрд.теңге болатын 44 жобадан тұрады, бұл жобалардың аясында 4318 жұмыс орындары ашылады.
Оның ішінде жалпы инвестиция көлемі 32,6 млрд. теңге тұратын 22 жоба іске қосылып, 2282 жұмыс орындары құрылды.
«Оңтүстік» АЭА қатысушы кәсіпорындары 2010 жылдан бастап 2021 жылдың I тоқсаны аралығында өндірген өнім көлемі 82,1 млрд.теңгені құраса, бұл өнімнің жартысынан астамы, яғни 45,1 млрд. теңге көлемінде таяу және алыс шетелдерге экспортталды. «Оңтүстік» АЭА-ның жұмыс істеуінің барлық кезеңінде бюджетке салық аударымдары 5,5 млрд.теңгені құрады.
Сонымен қатар, тоқыма өнеркәсібін қолдау мақсатында Қазақстан Республикасы Үкіметінің 2021 жылғы 19 ақпандағы №78 қаулысымен «ALLIANCE» СӨК» ЖШС (бұрынғы «Ютекс» АҚ, «Ютекс KZ» АҚ, «Меланж» АҚ) және «Azala Textile» кәсіпорындарының аумақтары «Оңтүстік» АЭА-ның аумағына қосылып, бұл кәсіпорындарға «Оңтүстік» АЭА резиденті мәртебесі берілді.
