Шымкент қаласында ауыл шаруашылығы саласын мемлекеттік қолдауға 2021 жылдың 4 айында 486,3млн теңге субсидия бөлініп, қаржы 100% игерілген. Бұл туралы Шымкент қаласының ауыл шаруашылығы және ветеринария басқармасы мәлімдеді.
Мемлекет тарапынан егін шаруашылығын қолдауға -19,7 млн, мал шаруашылығына – 140 млн, қайта өңдеу саласына – 125,3 млн теңге қаржы қаралса, инвестициялық субсидия бағытына – 105,8млн , ауыл шаруашылығы малын, техниканы және технологиялық жабдықты сатып алуға кредит беру, сондай-ақ лизинг кезінде сыйақы мөлшерлемесін субсидиялауға – 91,0 млн теңге бағытталған.
Сонымен қатар ауыл шаруашылығы кооперативтерінің тексеру одақтарының және ауыл шаруашылығы кооперативінің ішкі аудитін жүргізуге арналған шығындарын субсидиялауға – 4,5 млн теңге бөлінген.
Мемлекеттік қолдаудың арқасында жыл басынан бері ауыл шаруашылығының жалпы өнім көлемі 9,3 млрд теңгеге жетіп, өткен жылдың тиісті кезеңімен салыстырғанда 1,8 млрд теңгеге артқан. Салада 6,6 мың адам жұмыс жасап,1 жұмысшыға шаққандағы еңбек өнімділігі 900 мың теңгені құрап, өсім көрсеткіші 116% еңсерген.
