Шымкент қаласында «Еңбек» мемлекеттік бағдарламасының ІІІ бағыты аясында азаматтарды жұмыспен қамту мақсатында қалалық тұрғындарды жұмыспен қамту орталығы, «Shymkent» әлеуметтік-кәсіпкерлік корпорациясы және «Asia Trafo» трансформаторлық зауыты өзара бірлескен меморандумға қол қойды.
«Shymkent» әлеуметтік-кәсіпкерлік корпорациясының қолдауымен өткен кездесуде тараптар жастар арасындағы техникалық мамандық иелерін «Жастар» практикасы бағыты бойынша мемлекет есебінен ақылы және әлеуметтік жұмыс орындарына тартуға қызығушылық танытып, келіссөз жүргізді.
Айта кетсек, «Asia Trafo – «Alageum Electric» компаниясы қазақстандық холдинг құрамына кіретін трансформаторлық жабдық өндіретін ең ірі зауыттардың бірі.
Жалпы жыл басынан бері 9 мыңнан астам Шымкент қаласының азаматтары жұмысқа орналасқан. Оның ішінде 175 азамат әлеуметтік жұмыс орындарына жіберіліп, «Жастар практикасы» арқылы 900-ге жуық жас түрлі мекемелер мен кәсіпорындарға жолданды.
