Шымкент қаласы Полиция департаментінің Қаратау ауданы Полиция басқармасының кәмелет жасқа толмағандар жөніндегі мектеп инспекторы полиция капитаны А.Байсариев қаладағы №83 жалпы орта білім беретін мектептің жоғары сынып оқушыларына құқық бұзушылықты алдын алу мақсатында дәріс оқыды.
Дәріс – ағымдағы жылдың 13-19-қыркүйек аралығында «Жасөспірім» жедел-профилактикалық іс шарасы аясында өткізіліп жатыр.
Онда оқушылардың сабаққа толығымен қатысуын және түнгі уақытта ата-анасыз немесе заңды өкілдерінсіз жүрмеуін қадағалау мақсатында ойынханалар, мешіттер, көңіл көтеретін орындарға рейд жүргізілетіні туралы айтылды.
Жасөспірім балалардың туыстарына айтпай, үйден жыраққа шығып кету жайттарының соңы баланың жоғалуына әкеп соғатыны туралы түсіндірілді.
Сондай-ақ оқушылардың көкейкесті сұрақтарына жауап берілді. Тәртіп сақшылары оқушыларды тәртіпті болуға, жақсы оқуға, уақытты тиімді пайдалануға және спортпен шұғылдануға шақырды. Кәмелетке толмаған тұлғалардың қылмыстық және әкімшілік жауапкершілігі туралы хабардар етілді.
Шымкент қаласы Полиция департаментінің Баспасөз қызметі
