Шымкент қаласы Полиция департаментінің ЖПҚБ Патрульдік полиция полкінің қызметкерлері өзінің бекітілген аумағында қауіпсіздікті қамтамасыз ету мақсатында қызмет атқаруда.
Яғни жаңа оқу жылында мектеп инспекторлары мен патрульдік полиция қызметкерлері күнделікті таңғы сағат 07:30-08:30, түскі сағат 12:30-14:30 және кешкі сағат 17:30-19:30 уақыт аралығында қала аумағындағы барлық мектептің маңындағы жолдардан оқушылардың қауіпсіз өтуін қамтамасыз етуде.
Осы орайда Шымкент қаласы Полиция департаментінің «Instagram» әлеуметтік желісіндегі ресми парақшасына қала тұрғыны ризашылығын білдірген кезекті бейнежазбаны жолдады. Мұнда тәртіп сақшысы оқушылардың қауіпсіздігін қамтамасыз ету мақсатында жолдан өткізіп тұрған сәті көрсетілген.
Әлеуметтік желі қолданушысы осы сәтті аңғарып қалып, жолдың арғы бетінен бейнежазбаға түсіріп алған.
Шымкент қаласы Полиция департаментінің қызметкерлері барша қала тұрғындарын сақтық шараларын қатаң сақтауға шақырады. Өзіңізге және жақындарыңызға жанашыр болыңыз.
