Шымкент қаласына қарасты №52 мектеп -лицейінде «Оқуға құштар мектеп» жобасы аясында «Артық білім кітапта» атты кеш өтті.
Кеш қонағы Республикалық «Серпіліс» қоғамдық қорының президенті Бейсенкүл Нарымбетова мен №65 мектеп мұғалімі, әріптесіміз, Ұлағатты ұстаз Ақжан Забурқызы. Қонақтарымыз алдымен «Мәдени мұра» мектеп мұражайында болды және «Оқуға құштар мектеп» жобасы аясында атқарылып жатқан жұмыстармен танысты.
Кеште бағдарлама бойынша READ x «Мен оқыған бір кітап» жобасымен оқырман оқушыларымыз өздерінің оқыған кітаптарымен бөлісті. 10-сынып оқушыларының ұйымдастыруымен «Тығырықтың шешімі- кітап» атты сахналық көрініс қойылды. Кеш соңында кітап сүйер оқушыларымыз қонақтарымызбен еркін диалогқа түсіп, қолтаңба алып, суретке түсті. «Кітап- қазына» кітап сыйлау жобасына кеш қонағы да мектебіміздің кітапхана қорына кітап сыйлап үлесін қосты. Кештен кітап сүйер оқырман оқушыларымыздың алған әсері мен алары көп болды.
