Шардара ауданы бойынша 31 мектеп (31 мемлекеттік), 19515 оқушы бар. 40 мектепке дейінгі ұйымда (17 мемлекеттік, 22 жеке меншік, 1 шағын орталық) 4552 бүлдіршін тәрбиеленуде. Мектептердің информатика пәні кабинеттері 3837 компьютермен жабдықталған, нәтижесінде 1 компьютерді пайдаланатын оқушы саны 5,47 бірлікке жетті. Аудан мектептерінің телефонмен байланысы және интернет желісін пайдалану қызметі 31 мектептің барлығында орнатылған. Сонымен қатар 2023-2025 жылдар аралығында «Жайлы мектеп» жобасы аясында ауданда 2 мектептің құрылысын жүргізу қолға алынған. Жобаға сәйкес, 1500 оқушы заман талабына сай салынған мектептен білім алатын болады (Шардара қаласындағы 4-ші мөлтек ауданына 1200 орындық, Өтеғұл мөлтек ауданына 300 орындық). Бүгінгі таңда 2 мектептің құрылысы қарқынды жүргізілуде.
Ауданда 3 балалар мен жасөспірімдер спорт мектебі, №4 олимпиада резервінің мамандандырылған балалар мен жасөспірімдер спорт мектебі, 3 спорт клубы орналасқан, аталған мекемелерде спорттың 25 түрі дамытылып, 6 мыңнан астам баламен жұмыс жасауда.
Бүгінде ауданда түрлі спорттан 150 әлем чемпионы, 122 әлем чемионаттарының жүлдегерлері, 302 азия чемпиондары, 472 Қазақстан Республикасының чемпиондары бар. Өздеріңізге белгілі тамыз айында алғаш рет Алматы қаласында армрестлингтен әлем чемпионаты өтті. Аталған додада жерлестеріміз 28 әлем чемпионы, 15 әлем чемпионатының жүлдегерлері атанды. 2023 жылы жергілікті бюджеттен Шардара қаласы, Қ.Тұрысбеков, Көксу және Достық ауылдық округінен кіші футбол, волейбол, воркаут алаңшалары салынып, ауыл жастарына пайдалануға берілді. Ағымдағы жылы демеушілер есебінен Шардара қаласындағы «Шардара Армспорт спорттық-сауықтыру кешенінде» бокс, дзю-до, таэквон-до залдары ашылды.
Шардара ауданына қарасты 10 мәдениет мекемелері (аудандық мәдениет үйі-1, ауылдық мәдениет үйі-9), 16 кітапхана (оның ішінде
2 аудандық, 2 қалалық, 12 ауылдық), 1 тілдерді оқыту және дамыту орталығы халыққа қызмет көрсетеді. Бүгінде «Ауыл-ел бесігі» бағдарламасы аясында Қызылқұм ауылдық мәдениет үйін күрделі жөндеудің құжаттары дайындалып (құны 347,8 млн.теңге), қаржыландыру үшін салалық басқармаға ұсынылды. Мәдениет саласында да жерлестеріміз үлкен жетістіктерге ие болып жүр. Солардың бірі осы жаз айында Түркістан облысының 5 жылдығына орай өткізілген облыстық «Өнерлі өлке» байқауында Шардара өнерпаздары 1 орын алып, жеңіл автокөлік иегері атанды.
