2025 жылға қарай республикалық бюджет есебінен гранттар саны 2000-ға дейін және жергілікті бюджет қаражаты есебінен 1500-ден астам грант ұлғайтылатын болады

Дәрілік заттардың қолжетімділігін арттыру мақсатында амбулаториялық дәрілік қамтамасыз ету тізбесін кеңейту және қайта қарау жөніндегі жұмыс жалғастырылатын болады.
Осыған дейін, өңірлік ардагерлер ұйымының басшысы қалпына келтіру еміне қол жеткізу, бейінді орталықтарға жолдама беру мәселесін көтерді.
Министр өз жауабында пандемия кезінде барлық медициналық ұйымдардың, соның ішінде ардагерлерге арналған ауруханалардың шамадан тыс жүктелгенін түсіндірді.
Біз пациенттердің осы санаты үшін медициналық көмек пен қалпына келтіру емінің қолжетімділігін жақсарту үшін барлық күш-жігерімізді қабылдайтын боламыз, деп сендірді министр.
Бірнеше өтініш ауылдық жерлерде перзентханалар салу мәселелеріне қатысты болды, онда әйелдер акушерлік-гинекологиялық көмекке ондаған шақырымға баруға мәжбүр екені қозғалды.
«Бұл өңірде бала туудың жоғары деңгейін және босандыру ұйымдарының қуатын арттыру қажеттілігін ескере отырып, Түркістан облысында 2 заманауи перинаталдық орталық салу жоспарлануда, олардың бірі Сарыағаш ауданында салынатын болады»,-деп жауап берді Денсаулық сақтау министрлігінің басшысы.
Жетісай ауданы тұрғындарының бірі осы қызметті аудандық аурухана деңгейіне қайтаруды ұсынып, жедел жәрдем жұмысына шағымданды.
Министр бұл жағдайда шұғыл көмек бүгін екі деңгейде көрсетілетінін, күрделі жағдайлар бойынша облыстық аурухана базасында көрсетілетінін және шақырулардың төртінші санаты аудандық деңгейде қалып отырғанын түсіндірді. Түркістан облысының тұрғындарын жедел жәрдем бригадаларымен қамтамасыз ету бөлігінде А.Ғиният жыл сайын іске қосылатын жаңа қуаттарға, халықты қамтуды кеңейтуге және шақыруларға қызмет көрсету жылдамдығын арттыруға мүмкіндік беретін жаңа станциялардың құрылысына назар аударды.
Кездесу соңында қонақтар қызметкерлерге, денсаулықты қорғап, оны сақтауға көмектесетін, ауруханаларда емдеу үшін айтарлықтай жайлы жағдай жасайтын дәрігерлерге ризашылықтарын білдірді.
Ардагерлер ұйымы өкілдерінің бірі министрге үндеуінде еліміздің денсаулық сақтау саласында болып жатқан үлкен өзгерістерді атап өтті.
«Бұрын жүрек тамырын шунттау бойынша ота жасайтын дәрігерлер аз болатын, ал қазір бұл қатардағы араласу әрбір облыстық ауруханада жүргізіледі. Осы жылдар ішінде біз алға жылжып, ағзаларды трансплантациялауды, буындарды ауыстыруды, созылмалы науқастардың өмірін ұзартуды үйрендік. Сондықтан біздің дәрігерлеріміздің еңбегін бағалап, оларға қаржылық жағынан да, моральдық жағынан да барынша көмектесу керек. Медицинамыздың болашағы үшін Қазақстандық жас дәрігерлерді оқытуға ақша аямау керек», – деді кездесу соңында облыстық ардагерлер ұйымының басшысы Жарылқасын Әзіретбергенов.
Кездесу соңында министр кездесуге қатысушыларға денсаулық сақтау саласын белсенді қолдағаны, медицина мәселелеріне немқұрайлы қарамағаны үшін алғыс айтып, Министрліктің қоғаммен ашық сындарлы диалогқа дайын екенін атап өтті.
Есептік кездесуден кейін ҚР ДСМ басшысы азаматтардың жеке қабылдауын өткізді, оған қаланың 10-ға жуық тұрғыны елде және шетелде мамандандырылған медициналық көмек алуға жәрдемдесу, орфандық ауруларды емдеуге арналған дәрілік заттармен қамтамасыз ету туралы, сондай-ақ медицина қызметкерлерін оқыту құқығына қатысты сұрақтармен жазылды.
Осылайша, министрге азамат Н., екі баланың әкесі, емдеу үшін қымбат Нусинерсен препаратын қажет ететін жұлын – бұлшықет атрофиясы диагнозымен жүгінді. Министр хабарлағанындай, биыл денсаулық сақтау министрлігі жергілікті атқарушы органдармен бірлесіп орфандық ауруларды емдеуге арналған препараттарды сатып алатын болады. Бұлшықет атрофиясын емдеуге арналған бұл препарат сатып алынатын препараттар тізіміне енгізілген, сонымен қатар 20-дан астам дәрілік зат сирек кездесетін ауруларды емдеуге арналған ұлттық дәрілік формулярға енгізілген.
Жетісай ауданының тұрғыны, азамат Ж. сетчатканың ажырауы салдарынан толық соқырлық диагнозымен Шетелде емделуге көмек сұрады. Денсаулық сақтау министрлігінің басшысы бұл ауру мемлекеттік бағдарламаға сәйкес шетелдік емдеуге жатпайтынын атап өтті, бірақ бұл мәселені «Қазақстан халқына» Қорының көмегі аясында қарау кезінде қолдауға дайын екенін білдірді.
Түркістан тұрғыны қызына ауыр жүрек жеткіліксіздігі диагнозымен ем алу үшін министрден көмек сұрады. А.Ғиният сондай-ақ осы жағдайды жұмысқа алуды және Ұлттық ғылыми орталықтар базасында баланы емдеуге жан-жақты жәрдем көрсетуді тапсырды.
Сапардың бірінші күнінің соңында министр өңірлік коммуникациялар қызметі алаңында журналистердің сұрақтарына жауап берді.