Мемлекет басшысының Жарлығымен Ақмарал Шәріпбайқызы Әлназарова Қазақстан Республикасының Денсаулық сақтау министрі болып тағайындалды.
Ақмарал Әлназарова 1971 жылы Қызылордада дүниеге келген. Алматы мемлекеттік медицина институтын «Педиатрия» мамандығы бойынша бітірген, медицина ғылымдарының докторы.
Еңбек жолын Қызылорда қаласының қалалық балалар ауруханасының қабылдау бөлімшесінің дәрігері болып бастаған.
Педиатрия және балалар хирургиясы ғылыми орталығының Қызылорда филиалының кіші ғылыми қызметкері (1997-1999).
Бөлім бастығы, облыстық денсаулық сақтау басқармасы бастығының орынбасары (1999-2001);
Қызылорда облыстық балалар ауруханасының бас дәрігері (2001-2003);
Қызылорда облысы Денсаулық сақтау басқармасының бастығы (2003-2004);
ҚР Денсаулық сақтау министрлігі Медициналық қызметтер көрсету саласындағы бақылау комитетінің облыстық басқармасының бастығы (2005-2007);
Қызылорда медициналық колледжінің директоры (2007-2013);
Қызылорда облысы әкімінің орынбасары (2013 жылғы ақпан – 2014 жылғы желтоқсан);
Қызылорда облыстық мәслихатының хатшысы (2014 жылғы желтоқсан – 2015 жылғы қараша);
Қызылорда облысы Денсаулық сақтау басқармасының басшысы (2015 жылғы қараша – 2019 жылғы сәуір);
«Нұр Отан» партиясы Қызылорда облыстық филиалы төрағасының бірінші орынбасары (2019 жылғы сәуір – 2020 жылғы маусым).
Қазақстан Республикасы Парламенті Сенатының Қызылорда облысынан депутаты (2020 жылғы 13 тамыздан бастап).Бұған дейін Денсаулық сақтау министрі Ажар Ғиният болды. Ол ведомство басшысы қызметін 2022 жылғы 11 қаңтардан бастап атқарды.
Еске сала кетсек, Қазақстан президенті Қасым-Жомарт Тоқаев Мәжілістің пленарлық отырысына қатысып, депутаттарға жаңа премьер ретінде Олжас Бектеновтің кандидатурасын ұсынды. Мәжілісте 69 депутат Президенттің ұсынысымен келісіп, 7 депутат қалыс қалды.
Алайда президент ұсынған кандидатураны таңдау кезінде Amanat және «Ақжол», Respublika, «Ауыл» партияларының фракциясы шешіммен келісіп, ЖСДП мен Қазақстан халық партияларының фракциясы қалыс қалды.
