«Алтынсай» шаруа қожалығы мал шаруашылығы саласының түрлі бағытын қолға алған. Қожалық аумағымен кеңінен танысып шыққан Асқар Сәкенұлы, шаруашылықтың ерекше атап өтерлік тұстарына жоғары бағасын берді. Яғни бұл «Алтынсай» шаруа қожалығы 2016 жылы құрылып, ең алдымен 500 бас ірі қара мал бордақылаумен айналысып, бүгінде 1000 бас жылқы және 1000 бас ірі қара мал бордақылауға қауқары бар.
Бұған қоса, бөдене шаруашылығын дамытуды да қолға алған. Бөдене құсының еті де жұмыртқасы да адам ағзасына өте пайдалы әрі түрлі ауруларға ем екені ежелден ақ белгілі.
Қазіргі таңда шаруашылықта 40 мың бас бөдене бар. Мұнда өндірілген ет және жұмыртқа өнімі қаламызбен қатар Еліміздің шет аймақтарына да шығарылуда.
Шаруашылық басшысы Сардар Қожахметовтың айтуынша осы жылы өндіріс қуаттылығын арттыра отырып, қосымша заман талабына сай мал сою алаңын құруды жоспарлап отыр.
