Шымкент : Ауыл шаруашылығы саласында өсім байқалады

Шымкент қаласында агросала қарқынды дамып келеді. Ілгерілеу әсіресе мал шаруашлығы саласында айқын байқалуда. Шымкент қаласы ауыл шаруашылығы және ветеринария басқармасының мәліметіне сүйенер болсақ, қалада жыл басынан бері мал шаруашылығы бойынша жалпы құны 931 млн. теңгені құрайтын 8 жоба іске асырылып, 51 жұмыс орны жаңадан ашылған. Бұл «Корно-1» ӨК, «Эгамнзаров» ЖК, «Шымкент құс» ЖШС, «Асыл-жұлдыз» СПК, «Ералы» ШҚ, «Абдукаримов» ЖК, «Наркулов» ЖК мен «Лапиев» жеке фирмалары.
Жоғарыда аталған агроөнеркәсіп кешендері тарапынан 2,8 мың тонна ет, 8,8 мың тонна сүт, 40,7 млн. дана жұмыртқа өндірілді. Қаламыздағы шаруалар қолында 76,1 мың ірі мүйізді қара мал, 88,4 мың қой мен ешкі, 13,8 мың жылқы және 1 132,6 мың бас құс бар.
Ауыл шаруашылығы саласын мемлекеттік қолдауға 2021 жылдың І тоқсанында 253,3 млн. теңге субсидия бөлініп, ол 100 пайызға игерілген.
Ал, агросаладағы жалпы өнім көлемі 6,5 млрд. теңгеге жетіп, өткен жылдың тиісті кезеңімен салыстырғанда 4,9 млрд. теңгеге артқан.
Ресми дерекке сәйкес ауыл шаруашылығымен бүгінгі таңда 6,6 мың адам айналысуда, ал 1 жұмысшыға шаққандағы еңбек өнімділігі 900 мың теңгеге жетіп отыр.