Шымкент қаласында «Эпизоотияға қарсы» іс-шаралар жоспарға сай жүйелі түрде жүргізілуде. Шымкент қаласы ауыл шаруашылығы және ветеринария басқармасының мәліметінше, жануарлар мен адамдарға ортақ аса қауіпті 29 түрлі ауруға қарсы диагностикалық зерттеу жүргізілген. Мәселен бруцеллезге қарсы 34 мың бас малдан қан сынамасы алынған. Сондай-ақ 14 түрлі жұқпалы ауруларға қарсы профилактикалық егу жұмыстары жүргізілді. Атап айтқанда 215 мыңнан аса ауыл шаруашылығы жануарларына екпе салынды.
Сонымен бірге биылғы жылдың І тоқсанында қаңғыбас ит-мысықтарды аулап жою бойынша тұрғындар тарапынан келіп түскен 770 өтінішке сәйкес, 8 195 бас қаңғыбас ит-мысық ауланып, уақытша ұстау орталығына жеткізілген.
Мұнымен қоса сала маманы төрт түлік малға қатысты бірдейлендіру жұмыстары туралы да айтып өтті. Оның мәлімдеуінше 2021 жылдың І тоқсанында 3,4 мың бас ірі қараға және 4,8 мың бас уақ мал төлдері не сырға салынды.
