Ауыл шаруашылығы және сауда нүктелерін дамыту бойынша 2021-2025 жылға дейінгі инвестициялық жобалардың тізімі жасалды. Шымкент қаласында 2025 жылға дейін жалпы құны 77,6 млрд теңгені құрайтын 71 инвестициялық жоба іске асырылып, 9,8 мың жаңа жұмыс орындары ашылатын болады. Сонымен өатар тағы бір ірі агро-индустриалды аймақ іске қосылады. Бұл туралы Шымкент қаласы ауыл шаруашылығы және ветеринария басқармасы мәлімдеді.
Биылғы жылы қалада құны 24 млрд. теңгеге 32 жоба іске асады. Атап айтар болсақ, олар : 7 жылыжай кешені, 3 тауарлы сүт фермасы, 1 бройлер етін шығаратын жоба, 10 мал бордақылау алаңы, 1 құс фермасы, 2 балық шаруашылығы, 2 жеміс көкөніс, 1 сүтті қайта өңдеу кәсіпорыны және 4 сауда нүктелері кеңейеді немесе қайта жаңғыратын болады. Аталған жобалар жүзеге асса қалада ауыл шаруашылығы өнім көлемі артып, қала экономикасының дамуына оң әсерін тигізеді.
