Шымкент қаласы еліміздегі ірі мегаполистердің бірі. Соған қарамастан шаһарда ауыл шаруашылығы саласын дамытуға ерекше мән берілген. Аймақта егіншілікпен айналысуға мол мүмкіндіктер бар. Қалада ауыл шаруашылығына жарамды жерлердің көлемі 62,6 мың гектарды құрайды. Оның ішінде егістікке жарамды жер көлемі 39,5 мың гектарға тең.
2020 жылы осы жердің 27,9 мың гектары яғни 70,6% игерілген. Бұл алдыңғы жылдың тиісті кезеңімен салыстырғанда 1,2 мың гектарға артық көрсеткіш. Нәтижесінде өткен жылы 27,9 мың га егістік алқабынан 59,3 мың тонна ауыл шаруашылығы өнімі жиналған. Атап айтқанда, 14 мың тонна дәнді дақылдар, 2,4 мың тонна майлы дақылдар, 2,4 мың тонна картоп, 29,7 мың тонна көкөніс, бақша және 10,8 мың тонна мал азығы жиналды.
Ал биылғы жылы жоспарланған 29,3 мың гектар жерден 71,7 мың тонна өнім жиналып, өнімділікті өткен жылмен салыстырғанда 12,4 мың тоннаға арттыру көзделуде.
