«Еңбек» мемлекеттік бағдарламасының І бағыты шеңберінде жақын арада қысқа мерзімді кәсіптік оқытуға 2500 адамды жолдау жоспарлануда. Жұмыспен қамту мәселелері жөніндегі өңірлік комиссиясының шешімімен 600 адам жұмыс берушілердің сұранысына сәйкес 8 мамандық бойынша 11 білім беру ұйымында, 600 адам жұмыс берушілердің сұранысына сәйкес 8 мамандық бойынша 11 білім беру ұйымында және 1 900 адам 24 мамандық бойынша 18 білім беру ұйымдарында еңбек нарығының сұранысына сәйкес қажетті мамандықтар бойынша 3 ай мерзімге оқытылатын болып бекітілді.
Оқуға жолданатын жұмысшы 30-дан аса мамандықтың басым бөлігі қызмет көрсету, өндіріс саласындағы мамандықтар (тігінші, арнайы тігінші, токарь, дәнекерлеуші, ағаш және жиһаз өндірісінің шебері, аспаз, кондитер, пішуші, слесарь-сантехник, электр-газмен дәнекерлеуші және т.б). Ақысыз оқу курстарына қатысушы азаматтарға ай сайын 17 мың теңге шәкіртақы төленеді.
Айта кету керек, бағдарлама талаптарына сәйкес, алдыңғы жылдары оқуды аяқтаған азаматтардың 60% тұрақты жұмысқа орналасқан.
