ҚР Президенті Қ.Тоқаев биылғы Қазақстан халқына жолдауында «Жемшөп дайындауға қажетті жер көлемін кеңейу және егіс алқабына әр жылы әртүрлі дақыл егуді бақылауға алған жөн» екенін айтты. Осы тапсырманың аясында Шымкент қаласында тиісті жұмыстар атқарылуда.
Ең бірінші, ауыл шаруашылығы дақылдарының егіс алқаптарына әртараптандыру жұмыстарын жүргізу, сондай-ақ оның тиімділігі мен озық технологияларды ендіру бойынша ғылыми-зерттеу институттары өкілдерінің қатысуымен шаруаларға түсіндіру жұмыстары жүргізілуде. Осы тақырыпқа байланысты семинарлар өткізуді жоспарлануда. Бұл туралы Шымкент қаласы ауыл шаруашылығы және ветеринария басқармасының басшысы А.Қаныбеков мәлімдеді.
Жоспар бойынша басқарма тарапынан әртараптандыру бағдарламасын іске асыру нәтижесінде жыл сайын егіс алқаптарын 0,7-ден 1,0 мың гектарға дейін арттыру көзделуде.
2018-2020 жылдар кезеңінде ауыл шаруашылығы дақылдарының егістік алқаптары 3,6 мың гектарға артып, 29,3 мың гектарды құраған болатын. Соның ішінде мал азықтық дақылдар 700 гектарға артқан.
